For litt over to år sidan tok FN eit viktig steg framover når det gjeld å
sette kvinnespørsmål på den tryggingspolitiske dagsordenen. 31. oktober
2000 vedtok Tryggingsrådet i FN ein banebrytande resolusjon (resolusjon
1325) om kvinner, fred og tryggleik. Resolusjonen sprang ut av
ein open diskusjon i Rådet nokre dagar tidlegare, der meir enn 40 medlemsstatar
heldt innlegg til fordel for det FN kallar «gender mainstreaming
» – det vil seie at ein i alle ledd av freds- og tryggingstiltak skal ha
eit medvite forhold til kva konsekvensar disse tiltaka kan få både for
menn og kvinner.
