Den 10. desember 2003 mottek den iranske kvinna og advokaten Shirin
Ebadi Nobels fredspris i Oslo. Ho er den tredje muslimen som får fredsprisen,
og første iranar og muslimske kvinne. I mange år har ho arbeidd
for menneskerettar i Iran, og ho har hatt høgt profilerte stillingar
som har ført til at ho har blitt utestengd frå advokatpraksis, sett i
fengsel og kritisert offentleg. Ebadi arbeider i eit land der det skjer grove
overgrep mot menneskerettane, og der særleg kvinner blir diskriminerte.
Men arbeidet hennar kastar også lys på eit Iran i spenninga
mellom ei stor demokratirørsle og konservative krefter som søker å
halde på makta.
