Mange trudde at 2004 ville bli året for omfattande politiske og økonomiske
reformer i Russland. Putin skulle etter alle solemerke sette i
gang ein ny runde med nedskjeringar i offentleg sektor, straumlinjeforme
ei ny regjering og auke internasjonale investorars tillit til reformkursen.
Putins reformpolitikk skulle bli tydelegare, kampen mot korrupsjon
skulle tilta og eit nytt rekordår med økonomisk vekst skulle gjøre
Russland til ein interessant marknad. Slutten av året sette andre
spørsmål på dagsordenen: Dei politiske reformene peiker i ei meir
autoritær lei, og mange spør seg om Russland har slått inn på eit
gammalt spor.
