Mot slutten av 1800-talet viste den svenske vitskapsmannen Svante
Arrhenius at dersom konsentrasjonen av CO2 i atmosfæren aukar, vil
temperaturen på jorda også auke. Ei dobling av CO2-konsentrasjonen
kunne auke temperaturen med 5 °C, skreiv han. Men han meinte at det
ville ta mellom 2000 og 3000 år før konsentrasjonen var blitt så høg.
Nyleg har FNs klimapanel, med meir enn 2500 klimaforskarar bak seg,
lagt fram ein dyster rapport. Av den framgår det at klimaendringar kjem
langt raskare på oss enn Arrhenius kunne føreseie.
