Ærefulle verv til Jan Egeland
NUPIs direktør Jan Egeland er utnemnd av universitetet i Oxford til Honorary Associate ved instituttet for internasjonal utvikling (ODID) ved det samfunnsvitskapelege fakultetet. ODID står for ei omfattande forskingsverksemd på komplekse økonomiske, sosiale og politiske endringsprosessar i land i den tredje verda og utdannar studentar til å forstå desse prosessane i eit tverrfagleg perspektiv.
Egeland er òg utnemnd til rådet for International Research Institute for Climate and Society (IRI) ved Columbia University i New York. IRI driv forsking for internasjonale oppdragsgivarar om samfunnseffektar av klimaendring og klimavariasjon. I tillegg er Egeland oppnemnd som medlem av det internasjonale styret for Centre for Global Governance Studies ved universitetet i Leuven i Belgia.
- Desse verva gir NUPI eit verdifullt internasjonalt kontaktnett ved anerkjente universitet og forskingsinstitutt. Det styrker vår mulighet for internasjonal utveksling av kunnskap og forskingsresultat, seier Jan Egeland.
Direktør Egeland blei på eit møte i Verdas meteorologiorganisasjon (WMO) i februar òg vald til å leie ei ekspertgruppe i FN som skal utvikle eit globalt system for å samle og spreie klimainformasjon.