Arrangement

 

Ulovleg, urapportert og uregulert fiske (IUU) er ei nøkkelutfordring for berekraftig styring av hava. Denne praksisen er kopla til overfiske og mindre fiskebestand. Ifølgje FNs berekraftsmål nummer 14.4 var det nødvendig å få sett ein stoppar for denne typen fiske alt i 2020. Men framleis er det estimert at praksisen står for heile ein femdel av villfiskfangst globalt, og til og med meir i enkelte regionar. I 2001 etablerte FNs organisasjon for ernæring og landbruk (FAO) ein internasjonal handlingsplan som framleis gir retningslinjene for å demme opp for IUU-fiske. Likevel kviler iverksetjinga av desse i stor grad på kapasiteten statar har til å overvake og kontrollere fartøy som seglar under flagga deira, fiske i eigne havområde og trafikk i eigne hamner.

Gitt at fiske også er ein grensekryssande aktivitet, krev det å stoppe IUU-fiske også internasjonalt samarbeid på både regionalt og globalt nivå. Dette for å utveksle informasjon og koordinere tiltak. IUU-regimet står derfor overfor eit implementeringsgap som fordrar svar på tvers av styringsnivå. Dei siste tiåra har nye instrument blitt oppfunne og koalisjonar av aktørar har oppstått i eit forsøk på å lukke dette gapet, men problemet er framleis stort. P

På dette seminaret ser vi på kva framsteg som har blitt gjort av statar, regionale organisasjonar og dei internasjonale partnarane deira for å redusere IUU-fiske. Vi diskuterer kva tiltak som har lykkast best så langt, og dessutan hovudutfordringane i innsatsen og kva som kan gjerast annleis. Vi spør også kva for nokre av Noregs erfaringar med handtering av fiske som er nyttige for å hanskast med desse utfordringane.

Fleire bidragsytarar vil annonserast fortløpande.

Seminaret vil også bli strøymt på NUPI's YouTube-kanal (inga påmelding krevst).